Margar hugmyndir eru til um hvernig hægt er að fá krakka og aðra til að hreyfa sig. Hér að neðan eru ýmsar hugmyndir:

Vallarhlaup: Samkvæmt heimildum er vallarhlaup eina keppnisgreinin á fyrstu Ólympíuleikunum, aðrar greinar bættust við síðar. Var þetta hlaup jafn langt og leikvöllurinn eða 192 m (námkvæmlega 192,25 m).  Ein hugmynd er að allir hlaupi þessa vegalengd á tíma, tímarnir síðan lagðir saman og reynt að finna út hvað það er langt innan Íslands í kílómetrum talið.

Ólympíuhringirnir:  Hópurinn myndar hönd í hönd línu. Byrjað á endanum, tímataka hvað þau eru lengi að koma ólympíuhringjunum 5 (skemmtilegast ef þeir eru í réttum litum) á hinn enda línunnar. Verða að haldast í hendur allan tímann.

Skot á körfu:  Tveimur hópum stillt upp í röð við körfur sitt hvoru megin (ATH fjarðlægt frá körfu og hæð körfu m.t.t. aldurs). Annað hvort hægt að hafa tíma eða ákveðin fjölda karfa sem á að skora t.d. það lið sem skorar fyrr 5 körfur vinnur. Röðin verður að ganga rétt fyrir sig, allir verða að taka skot. Til að koma boltanum aftur í umferð eftir skot er hægt að hafa einn ákveðin undir körfunni sem sendir boltann til baka. Eldri krakkar ættu að ráða við að hafa 2 bolta í umferð þ.e. taka skot, ná strax í boltann og senda á þann sem er næstur í röðinni án bolta.

Handbolti með mjúkum bolta:  Nota mjúkan svampbolta. Reglurnar eru þannig að það má ekki taka skref með boltann þannig að allir í liðinu verða að vera virkir að hreyfa sig. Mark er skorað með því að leggja boltann á línuna á milli markstanganna. Það gæti borgað sig að kalla þetta fremur handbolta án skrefa en ruðning þar sem síðara orðið gæti gefið til kynna að mikil átök séu leyfileg.

Kraftaleikir:  Tveir og tveir vinna saman í t.d. 30 sekúndur í senn.  Snúa bak í bak og reyna að ýta aftur á bak yfir ákveðna línu.  Halda um úlnliði og reyna að toga yfir ákveðna línu.  Leggja hendur á herðar félaga og reyna að ýta yfir ákveðna línu.  Hér er hægt t.d. að setja upp fyrirkomulag bændaglímu.  

Pokahlaup (boðhlaup): Furðufata boðhlaup. Hvert lið hefur ákveðið sett af fötum (t.d. buxur, hattur og kjóll) sem sá sem hleypur hverju sinni verður að klæðast. Hægt að bæta við ýmsu þrautum á leiðinni s.s. sprellikarlahoppi, varalita sig eða annað sem er skemmtilega öðruvísi.

Stígvélakast:  Hver kastar lengst.   Fótbolti með risabolta:  Hægt að nota t.d. stóru ,,sjúkraþjálfara boltana”. Ein hugmynd er að láta tvo og tvo í hverju liði haldast í hendur og spila þannig. Annað:  Vippa golfkúlu í regnhlíf (eldri krakkar) og/eða reyna að hitta með hringjum á flöskur (yngri).   Hindrunarbraut á hjólabretti.  Útbúa 2 álíka þrautabrautir. Sniðugt að láta kennara og nemendur keppa.   Hindrunarbraut á hjóli.

Ýmsa leiki er einnig hægt að nálgast á http://www.leikjavefurinn.is/

Ólympíuhlaupið  Ólympíustökkið  Ólympíukastið  Mynda Ólympíuhringina  Búa til ÓLborða

Myndasamkeppni